အလှူမှတ်တမ်းဆေးရေးပုရပိုက် (၂)
၁၈၇၄ မှ ၁၈၈၉ ခုနှစ်အတွင်း ဘုရားတည် ကျောင်းဆောက် ကုသိုလ်အလှူဒါနပြုသည့် မှတ်တမ်းစားရေးပုရပိုက်တစ်ဆူဖြစ်သည်။ (စီစဉ်သူ၏မှတ်ချက်)
၁၂၃၆ခု နှောင်းတကူး ညီမောင်လတ်နှင့် မောင်ဘိုးသိမ်းတို့ ကို ရှင်သာမဏေ ဦးဥာန်ကို ရဟန်းပဉ္စင်းအဖြစ် ချီးမြှင့်ရာ သံဃာတော်တို့ ကို လှူဒါန်းသည်ပုံ။
၁၂၃ ၇ခုနှစ်အတွင်း ဘုံကျော်ဆရာတော်နှင့်သင်္ဃာတော်တို့ကို သင်္ကန်းကပ်လှူ။ မဟာမုနိဘုရားကြီးကို ပူဇော်ရန် ပျားဘရောင်းတိုင် ၁၀၀၀ ကို ရေစက်သွန်းချလှူဒါန်း၍ ပရိသတ်တို့ ကို ကြာဇံမုန့် တီကျွေးသည့်ပုံ။
၁၂၄၁ခုနှစ် ပြာသိုလ မဦးဇွန်းကို နားထွင်း၍ သူတထူးသား ၂ တို့ကို ရဟန်း ပဉ္စင်း ရှင်သာမဏေ အဖြစ် ချီးမြှင့်လှူဒါန်းရာ ပရိသတ်တို့ ကို ထောပတ်ထမင်းကျွေးမွေး ပရိတ်နာသည့်ပုံ၊
သူတထူးသားကိုရှင်ပြု၍ တံတားဟောင်း၂ ပျက်စည်းသည်ကို ပြင်ဆင် ရေစက်သွန်းချသည့်ပုံး
၁၂၃၁ခုနှစ်ကစ၍ တကြိမ် သင်္ဃာတော်မြတ်တို့ ကို ဆွမ်းလုပ် ကျွေးသည့်ပုံ
၁၂၄၃ခု ပြာသိုလ မြတ်စွာဘုရားကိုယ်တော်စား ကြေးဆင်းတု ၁၊ တဆောင်း ရုပ်ပွားတော် တံခွန်လုံး၊ ဘရောင်းတိုင်၊ ပဒေသာ၊ ရွှေဆိုင်း၊ ထီးဖြူ၊ မျက်နှာကျက်၊ ဆွမ်းတော်ကြီး၊ ပိဋကတ်စာ အင်္ဂါ ၅၀၀ တော် မှန်စီရွှေချ ဘီရိုစာတိုက်၊ ကမ္မဝါစာများနှင့် သံဃာတော်မြတ်တို့ ကို သီးမျိုးစုံ ပဒေသာ အသုံးအဆောင်များလှူဒါန်းသည့်ပုံ ကုန်ငွေ ၂၄ဝဝကျော်။
၁၂၄၃ခုနှစ် တောင်ရှင်တိုက်အတွင်း ဆောက်လုပ်သဃိကရေစက် သွန်း ချလှူဒါန်းသည့် ကျောင်း၊ ရေတွင်း၊ ကုသိန္နာရုံတိုက်အတွင်း ဆောက်လုပ်၊ ထုပ်လျောက်က အထက် သဃိက၊ အောက်ကို ပုဂ္ဂလိက ရေစက်သွန်းချ၍ ဦးဂန္ဓမာကို လှူသည့်ကျောင်း၊
၁၂၄၅ခု ကျော်တိုက်အတွင်းဆောက်လုပ်သည့်ကျောင်းနှင့် မီးတင်းကုတ်၊ ၁၂၄၆ ခုနှစ် ဆောက်လုပ်သည့် ကျောင်းနှင့် မီးတင်းကုတ်၊ ဇရပ်၊ကျောင်းမှာ သဃိက ရေစက်ချ၍ ဘုံကျော် ဆရာတော်ဘုရားကြီးအား တင်လှူသည် ။
၁၂၄၆ခုနှစ် ချမ်းသာရကျောင်းတိုက်အတွင်း သိမ်၊ သမုတ်၊ အုတ်တိုက် တည်လုပ်ပြီးလျှင် ၄င်းသိမ် အတွင်း သူတထူးသားကို ရဟန်းပဉ္ဇင်းအဖြစ် ချီးမြှင့်လှူဒါန်း၍ ပရိသတ်တို့ ကို ထောပတ်ထမင်း ကျွေး၊ သိမ်သမုတ်ရာ ကြွ ရောက်သည့် သံဃာတို့ ကို သင်္ကန်းလျာ၊ ပိတ် လှူဒါန်း၍ ဆွမ်းကျွေးမွေး ပြုစုသည့်ပုံ၊ ကုန်ဝင်ငွေ ၃၆ဝဝကျော်
၁၂၄၇ခု တပို့တွဲလပြီးသည့်အင်္ဂါ ၅၀၀ ကျော် ရေစက်သွန်းချလှူဒါန်းသည့် ကုန်ဝင်ငွေ ၇ဝဝကျော်။
၁၂၄၉ခု ပြာသိုလပြည့်ကျော်နေ့ မြို့တွင်း တောရကျောင်းအတွင်း မိဘတို့ ကိုးကွယ်ရင်း ရုပ်ပွားတော် ပင့်ဆောင် ရွှေအသစ်မွမ်းမံ။ သူတထူးသားတို့ ကို ရဟန်း ပဉ္စင်း ရှင်သာမဏေအဖြစ် ချီးမြှင့်၍ သမီး မယ်ထင်ကို နားထွင်းရာ ပရိသတ်တို့ ကိုထောပတ်ထမင်း စားပွဲခင်းကျင်း ကျွေးမွေး ပရိတ်နာသည့်ပုံ ကုန်ဝင်ငွေ ၃၀၀ကျော်။
၁၂၅၀ ဝါခေါင်လဆန်း ၁ရက်နေ့ တွင် ဘုံကျော်ဆရာတော်ဘုရားကြီး ပျံလွန်တော်မူရာ နိဗ္ဗာန်ကျောင်း ဆောက်လုပ်လှူဒါန်း၍ ဆရာတော်ဘုရားအလောင်း နိဗ္ဗာန်ကျောင်းချသည့်နေ့ သင်္ဂြိုဟ်သည့်နေ့ သင်္ဃာတို့ ကို ဆွမ်းလုတ်ကျွေးသည့်ပုံ ကုန်ဝင်ငွေ ၄၈၀ကျော်။
၁၂၅၁ခုနှစ် ဘုံကျော်ဆရာတော်ဘုရားကြီး၏အရိုးကို တပည့်တကာတို့ အပေါင်းစု၍ စေတီ တည်လုပ် ကိုးကွယ်ရာ ကုန်ငွေ ကုသိုလ်ပါဝင်ငွေ ၂၀၀ကျော်။
